ايران پي وي سي کي پيداوار ميں سب سے آگے

ابنا: پي وي سي پيٹروکيميکل کي بنيادي صنعتي پيداوار ہے اور اس کارخانے کے افتتاح کے نتيجے ميں ايران پي وي سي  پيدا کرنے والا دنيا کا سب سے بڑا ملک بن  جائے گا-

اس موقع پر مارون پيٹروکيم کمپلکس ميں نائٹروجن اور آکيسيجن کے پيداواري يونٹ کا افتتاح بھي عمل ميں آيا-

اروند پيٹرو کيم کے افتتاح سے قبل ايران ميں بندر امام، آبادان اور غديد نامي  پيٹروکيميکل انڈسٹريز ميں پي وي سي تيار کيا جاتا رہا ہے جنکي مجموعي پيداوار سالانہ چار سو پانچ ہزار ٹن کے برابر تھي- توقع ہے کہ ايران  پي وي سي کي برآمدات شروع کرکے دنيا کي تيس سے پچيس في صد تک مارکيٹ اپنے ہاتھ ميں لينے کے قابل ہوجائے گا-

صدر ڈاکٹر محمود احمدي نژاد نے پيداواري يونٹوں کي افتتاحي تقريب سے خطاب کرتے ہوئے کہا کہ گزشتہ سات سال کے دوران ايران کي پيٹروکيم مصنوعات کي پيداوار پچيس ملين ٹن سے بڑھ کر چون اعشاريہ پانچ ٹن تک پہنچ گئي ہے-

ماہشہر  ميں تيار ہونے والي مختلف پيٹروکيم مصنوعات، چھوٹي صنعتوں کے علاوہ گھريلوي اشيا، پلاسٹک، انسوليشن، پائپوں، رنگ روغن اور ڈٹرجنٹ وغيرہ کي تياري ميں استعمال ہوتي ہيں-

ارندو انڈسٹريل کمپلکس ميں تيار ہونے والي پيٹروکيم مصنوعات عالمي معيار کے مطابق ہيں  اور اب تک ان مصنوعات کي بيس شپمنٹ ، جنوبي افريقا، نائيجيريا اور جمائيکا جيسے ملکوں کو ارسال  کي جاچکي ہيں- ارند پيٹروکيم کے منيجنگ ڈائريکٹر سيد اسماعيل موسوي کے مطابق يہ يونٹ مشرق وسطي ميں اپني نوعيت کا واحد پيداواري يونٹ ہے اور اس کي تيار کردہ مصنوعات، فوڈ انڈسٹري اور دواؤں کي تياري اور دوسري صنعتوں ميں استعمال ہوتي ہيں- '

ايران کي پيٹرو کيميکل انڈسٹري اس وقت ايران کي صنعتي ترقي ميں پيش پيش ہيں اور ايراني انجينئروں کي مہارت اس حدتک آگے بڑھ چکي ہے کہ ماہشہر پٹيروکيميکل کمپلکس کي تياري کے تمام مراحل ايراني ماہرين کے  ہاتھوں انجام پائے ہيں-

ايک ايسے وقت ميں جب ايران کي معيشت کو صنعتي ملک بننے کے راستے ميں مغربي ملکوں کي ناروا پابنديوں کا سامنا کرنا پڑ رہا ہے، ايران کي پيٹروکيميکل انڈسٹري خود کفالت اور خود اعتمادي کے مرحلے ميں داخل ہو رہي ہے-

پيٹروکيميکل کي صنعتوں کا ايراني معيشت کے کليدي ترين شعبے يعني آئل انڈسٹري سے گہرا تعلق ہے بنا برايں ايران کے اقتصادي ماہرين اور فيصلہ سازوں کي اس جانب پوري توجہ ہے اور يہي وجہ ہے کہ اس شعبے ميں ايراني ماہرين اور صنعتکار پوري طرح سے ابھر کر سامنے آرہے ہيں-

.......

/169